Mirror буюу Толин шоо

Олонд танигдсан Японы зохион бүтээгч бол Хидетоши Такежи юм. Түүний хамгийн анхны бүтээл бол одоогоос 4 жилийн өмнө урласан 3x3x3 шооноос санаа авсан шатласан шоо юм. Түүний хамгийн алдартай бүтээл бол Овгор шоо буюу худалдаанд Mirror буюу Толин шоо нэртэйгээр гарч байгаа бүтээгдэхүүн юм. Энэхүү эвлүүлдэг тоглоом нь адил биш хэмжээтэй хэсгүүд бүхий 3x3x3 хэмжээтэй шоо юм. Иймээс тоглоомыг эргүүлэх үед олон төрлийн өвөрмөц хэлбэртэй дүрснүүд бий болдог байна. Тэрээр өөрийнхөө энэхүү бүтээлийнхээ талаар: “ Энэхүү тоглоомын надад хамгийн их таалагддаг зүйл нь түүнийг хольсон үед Манхаттений Цамхагтай адилхан хэлбэртэй болдог юм.” хэмээн ярьсан байна